Чин пения двенадцати псалмов

Чин пения двенадцати псалмов,
как пели их преподобные отцы-пустынники днем и ночью, о чем вспоминается в книгах отеческих и в житиях и мучениях святых многих.
Этот чин принес со Святой горы преподобный Досифей, архимандрит Киево-Печерский.

Аще иерей, глаголет: Благослове́н Бог наш, всегда́, ны́не и при́сно и во ве́ки веко́в.

Если священник: Благословен Бог наш всегда, ныне и присно, и во веки веков.

Аще же несвященный: Моли́твами святы́х оте́ц на́ших, Го́споди Иису́се Христе́ Бо́же наш, поми́луй нас. Ами́нь.

Если мирянин: По молитвам святых отцов наших, Господи Иисусе Христе, Боже наш, помилуй нас. Аминь.

Сла́ва Тебе́, Бо́же наш, сла́ва Тебе́.

Сла́ва Тебе́, Бо́же наш, сла́ва Тебе́.

Царю́ Небе́сный, Уте́шителю, Ду́ше и́стины, И́же везде́ сый и вся исполня́яй, Сокро́вище благи́х и жи́зни Пода́телю, прииди́ и всели́ся в ны, и очи́сти ны от вся́кия скве́рны, и спаси́, Бла́же, ду́ши на́ша.

Царь Небесный, Утешитель (Советник, Наставник), Дух истины, везде сущий (находящийся) и все наполняющий (присутствием Своим), Сокровище благ и Податель жизни, прииди и поселись в нас (среди нас), очисти нас от всякого греха и спаси, Преблагий, души наши.

Святы́й Бо́же, Святы́й Кре́пкий, Святы́й Безсме́ртный, поми́луй нас. трижды.

Святой Боже, Святой Крепкий, Святой Бессмертный, помилуй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Слава Отцу, и Сыну, и Святому Духу, и ныне, и всегда, и во веки веков. Аминь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Святейшая Троица, помилуй нас; Господь, очисти грехи наши; Владыка, прости беззакония наши; Святый, прииди и уврачуй бессилие наше — для Твоей славы.

Го́споди, поми́луй, трижды.

Го́споди, поми́луй. Трижды.

Сла́ва, и ны́не:¹

Слава Отцу, и Сыну, и Святому Духу, и ныне, и всегда, и во веки веков. Аминь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Отче наш, Сущий на небесах! Да святится имя Твоё; да придёт Царство Твоё; да будет воля Твоя и на земле, как на небе; хлеб наш насущный дай нам сегодня; и прости нам долги наши, как и мы прощаем должникам нашим; и не введи нас во искушение, но избавь нас от лукавого.

Прииди́те, поклони́мся Царе́ви на́шему Бо́гу.

Придите, поклонимся Царю нашему, Богу.

Прииди́те, поклони́мся и припаде́м Христу́, Царе́ви на́шему Бо́гу.

Придите, поклонимся и припадём ко Христу, Царю, нашему Богу.

Прииди́те, поклони́мся и припаде́м Самому́ Христу́, Царе́ви и Бо́гу на́шему.

Придите, поклонимся и припадём к Самому Христу, Царю и Богу нашему.

Псалом 26²

¹ Госпо́дь просвеще́ние мое́ и Спаси́тель мой, кого́ убою́ся? Госпо́дь Защи́титель живота́ моего́, от кого́ устрашу́ся? ² Внегда́ приближа́тися на мя зло́бующым, е́же сне́сти пло́ти моя́, оскорбля́юшии мя, и врази́ мои́, ти́и изнемо́гоша и падо́ша. ³ А́ще ополчи́тся на мя полк, не убои́тся се́рдце мое́, а́ще воста́нет на мя брань, на Него́ аз упова́ю. ⁴ Еди́но проси́х от Го́спода, то взыщу́: е́же жи́ти ми в дому́ Госпо́дни вся дни живота́ моего́, зре́ти ми красоту́ Госпо́дню и посеща́ти храм святы́й Его́. ⁵ Я́ко скры мя в селе́нии Свое́м в день зол мои́х, покры́ мя в та́йне селе́ния Своего́, на ка́мень вознесе́ мя. ⁶ И ны́не се вознесе́ главу́ мою́, на враги́ моя́: обыдо́х и пожро́х в селе́нии Его́ же́ртву хвале́ния и воскликнове́ния, пою́ и воспою́ Го́сподеви. ⁷ Услы́ши, Го́споди, глас мой, и́мже воззва́х: поми́луй мя и услы́ши мя. ⁸ Тебе́ рече́ се́рдце мое́, Го́спода взыщу́. Взыска́ Тебе́ лице́ мое́, лица́ Твоего́, Го́споди, взыщу́. ⁹ Не отврати́ лица́ Твоего́ от мене́ и не уклони́ся гне́вом от раба́ Твоего́: помо́щник мой бу́ди, не отри́ни мене́, и не оста́ви мене́, Бо́же Спаси́телю мой. ¹⁰ Я́ко оте́ц мой и ма́ти моя́ оста́виста мя, Госпо́дь же восприя́т мя. ¹¹ Законоположи́ ми, Го́споди, в пути́ Твое́м и наста́ви мя на стезю́ пра́вую враг мои́х ра́ди. ¹² Не преда́ждь мене́ в ду́шы стужа́ющих ми, я́ко воста́ша на мя свиде́теле непра́веднии и солга́ непра́вда себе́. ¹³ Ве́рую ви́дети блага́я Госпо́дня на земли́ живы́х. ¹⁴ Потерпи́ Го́спода, мужа́йся и да крепи́тся се́рдце твое́, и потерпи́ Го́спода.

¹ Господь просвещение мое и Спаситель мой, кого убоюсь? Господь Защитник жизни моей, кого устрашусь? ² Когда приближались ко мне злобствующие оскорбители мои и враги мои, желая погубить меня, изнемогли они и пали. ³ Если ополчится на меня полк, не убоится сердце мое; если восстанет на меня рать, на Бога я уповаю. ⁴ Одно просил я у Господа и к тому стремлюсь: жить мне в доме Господнем во все дни жизни моей, взирать на красоту Господню и посещать храм святой Его. ⁵ Ибо сокрыл Он меня в обители Своей в день бед моих, укрыл меня в тайном покое обители Своей, на скалу вознес меня; ⁶ И вот ныне вознес Он главу мою над врагами моими. Обошел я вокруг жертвенника и принес в обители Его жертву хвалой своей и ликованием. Пою и воспеваю Господа. ⁷ Услышь, Господи, голос мой, взываю к Тебе: помилуй меня и услышь меня! ⁸ Сказало Тебе сердце мое: «Господа ищу». Ищут Тебя очи мои; лица Твоего, Господи, ищу. ⁹ Не отвращай лица Твоего от меня, не уклонись в гневе от раба Твоего; подай помощь мне, не отвергни меня и не оставь меня, Боже, Спаситель мой! ¹⁰ Ибо отец мой и мать моя оставили меня, а Господь принял меня. ¹¹ Даруй мне закон, Господи, на пути Твоем и наставь меня на стезю правую пред лицом врагов моих. ¹² Не предай меня в руки гонителей моих, ибо восстали на меня свидетели неправедные и обманулись в неправде своей. ¹³ Верю: увижу я блага Господни на земле живых! ¹⁴ Надейся на Господа, мужайся, и да укрепится сердце твое; надейся на Господа!

Псалом 31

¹ Блаже́ни, и́хже оста́вишася беззако́ния и и́хже прикры́шася греси́. ² Блаже́н муж, eму́же не вмени́т Госпо́дь греха́, ниже́ есть во усте́х eго́ лесть. ³ Я́ко умолча́х, обетша́ша ко́сти моя́, от е́же зва́ти ми весь день. ⁴ Я́ко день и нощь отяготе́ на мне рука́ Твоя́, возврати́хся на страсть, егда́ унзе́ ми терн. ⁵ Беззако́ние мое́ позна́х и греха́ моего́ не покры́х, рех: испове́м на мя беззако́ние мое́ Го́сподеви, и Ты оста́вил еси́ нече́стие се́рдца моего́. ⁶ За то помо́лится к Тебе́ всяк преподо́бный во вре́мя благопотре́бно: оба́че в пото́пе вод мно́гих к нему́ не прибли́жатся. ⁷ Ты еси́ прибе́жище мое́ от ско́рби обдержа́щия мя: ра́досте моя́, изба́ви мя от обыше́дших мя. ⁸ Вразумлю́ тя и наста́влю тя на путь сей, во́ньже по́йдеши, утвержу́ на тя о́чи Мои́. ⁹ Не бу́дите я́ко конь и меск, и́мже несть ра́зума: брозда́ми и уздо́ю че́люсти их востя́гнеши, не приближа́ющихся к тебе́. ¹⁰ Мно́ги ра́ны гре́шному, упова́ющаго же на Го́спода ми́лость обы́дет. ¹¹ Весели́теся о Го́споде, и ра́дуйтеся, пра́веднии, и хвали́теся, вси пра́вии се́рдцем.

¹ Блаженны те, кому отпущены беззакония и чьи грехи прощены. ² Блажен муж, которому Господь не вменит греха и в чьих устах нет лжи. ³ Когда умолчал я о грехах моих, изнемогли кости мои, ибо стенал я весь день. ⁴ Ибо день и ночь тяготела на мне рука Твоя; и вновь изведал я муки, когда совесть моя уязвила меня, как терн. ⁵ Но беззаконие мое познал я и греха моего не сокрыл; сказал я: «Исповедую беззаконие мое Господу», и Ты простил нечестие сердца моего. ⁶ Посему помолится Тебе всяк праведный во время благоприятное, и воды многие не потопят его. ⁷ Ты прибежище мое в скорби, объявшей меня! Радость моя, избавь меня от обступивших меня! ⁸ «Я, Господь, вразумлю тебя и наставлю тебя на путь сей, и пойдешь по нему; устремлю на тебя очи Мои». ⁹ Не будьте непокорны, словно конь и мул, лишенные разума! Удилами и уздою ведет их человек, чтобы шли они за ним. ¹⁰ Тяжело наказан будет грешник, а того, кто уповает на Господа, милость объемлет. ¹¹ Веселитесь о Господе и радуйтесь, праведные, и торжествуйте в правоте сердца!

Псалом 56

¹ В коне́ц, да не растли́ши, Дави́ду в столпописа́ние, внегда́ ему́ отбега́ти от лица́ Сау́лова в пеще́ру.

² Поми́луй мя, Бо́же, поми́луй мя, я́ко на Тя упова́ душа́ моя́, и на сень крилу́ Твое́ю наде́юся, до́ндеже пре́йдет беззако́ние. ³ Воззову́ к Бо́гу Вы́шнему, Бо́гу, благоде́явшему мне. ⁴ Посла́ с небесе́ и спасе́ мя, даде́ в поноше́ние попира́ющыя мя, посла́ Бог ми́лость Свою́ и и́стину Свою́, ⁵ и изба́ви ду́шу мою́ от среды́ ски́мнов. Поспа́х смуще́н, сы́нове челове́честии, зу́бы их ору́жия и стре́лы, и язы́к их меч остр. ⁶ Вознеси́ся на небеса́, Бо́же, и по всей земли́ сла́ва Твоя́. ⁷ Сеть угото́ваша нога́м мои́м и сляко́ша ду́шу мою́, ископа́ша пред лице́м мои́м я́му и впадо́ша в ню. ⁸ Гото́во се́рдце мое́, Бо́же, гото́во се́рдце мое́, воспою́ и пою́ во сла́ве мое́й. ⁹ Воста́ни сла́ва моя́, воста́ни псалти́рю и гу́сли, воста́ну ра́но. ¹⁰ Испове́мся Тебе́ в лю́дех, Го́споди, воспою́ Тебе́ во язы́цех, ¹¹ я́ко возвели́чися до небе́с ми́лость Твоя́, и да́же до о́блак и́стина Твоя́. ¹² Вознеси́ся на небеса́, Бо́же, и по всей земли́ сла́ва Твоя́.

¹ В конец, да не погубишь, Давида, для написания на столпе, когда убегал он от Саула в пещеру, 56.

² Помилуй меня, Боже, помилуй меня, ибо на Тебя уповает душа моя, и на сень крыл Твоих надеяться буду, пока не исчезнет беззаконие. ³ Воззову к Богу Всевышнему, Богу, сотворившему мне благо. ⁴ Послал Он помощь с Небес и спас меня, предал позору угнетателей моих; послал Бог милость Свою и истину Свою, ⁵ И избавил душу мою от нападения львов, когда проводил я ночи в смятеньи. Сыны человеческие! Зубы их оружие и стрелы, и язык их меч острый. ⁶ Вознесись на Небеса, Боже, и по всей земле да воссияет слава Твоя! ⁷ Сеть раскинули враги для ног моих и стеснили душу мою; ископали пред лицом моим яму, и сами упали в нее. ⁸ Готово сердце мое, Боже, готово сердце мое; воспою и пою в славе моей! ⁹ Воспрянь, слава моя! Воспряньте, псалтирь и гусли! Я встану рано. ¹⁰ Прославлю Тебя среди народов, Господи, воспою Тебя среди племен; ¹¹ Ибо велика, превыше небес, милость Твоя, и выше облаков истина Твоя. ¹² Вознесись на небеса, Боже, и по всей земле да воссияет слава Твоя!

Трисвятое по Отче наш:

Трисвятое по Отче наш:

Святы́й Бо́же, Святы́й Кре́пкий, Святы́й Безсме́ртный, поми́луй нас. (Трижды)

Святой Боже, Святой Крепкий, Святой Бессмертный, помилуй нас. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Слава Отцу, и Сыну, и Святому Духу, и ныне, и всегда, и во веки веков. Аминь.

Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.

Святейшая Троица, помилуй нас; Господь, очисти грехи наши; Владыка, прости беззакония наши; Святый, прииди и уврачуй бессилие наше — для Твоей славы.

Го́споди, поми́луй. (Трижды)

Го́споди, поми́луй. Трижды.

Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Слава Отцу, и Сыну, и Святому Духу, и ныне, и всегда, и во веки веков. Аминь.

О́тче наш, И́же еси́ на Небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на Небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Отче наш, Сущий на небесах! Да святится имя Твоё; да придёт Царство Твоё; да будет воля Твоя и на земле, как на небе; хлеб наш насущный дай нам сегодня; и прости нам долги наши, как и мы прощаем должникам нашим; и не введи нас во искушение, но избавь нас от лукавого.

Тропари, глас 1

Объя́тия О́тча отве́рсти ми потщи́ся, блу́дно мое́ ижди́х жити́е, на бога́тство неиждива́емое взира́яй щедро́т Твои́х, Спа́се, ны́не обнища́вшее мое́ да не пре́зриши се́рдце. Тебе́ бо, Го́споди, умиле́нием зову́: согреши́х на Не́бо и пред Тобо́ю.

Объятия отеческие открыть мне поспеши: / блудно я растратил жизнь мою, / на богатство неисчерпаемое милостей Твоих, Спаситель, взирая безучастно! / Ныне не презри обнищавшего моего сердца, / ибо к Тебе, Господи, в сокрушении взываю: / «Согрешил я, Отче, против неба и пред Тобою!»

Слава: Егда́ прии́деши Бо́же на зе́млю со сла́вою,/ и трепе́щут вся́ческая:/ река́ же о́гненная пред суди́щем влече́т,/ кни́ги разгиба́ются, и та́йная явля́ются:/ тогда́ изба́ви мя от огня́ неугаси́маго,// и сподо́би мя одесну́ю Тебе́ ста́ти Судие́ пра́веднейший.

Слава: Когда придешь Ты, Боже, на землю со славою / весь мiр затрепещет; / река огненная течет пред Престолом Суда, / книги открываются и тайны объявляются. / Тогда избавь меня от огня неугасимого / и удостой меня стать справа от Тебя, / Судия праведнейший.

И ныне: Ма́терь Тя Бо́жию све́мы вси, Де́ву вои́стинну, и по Рождестве́ я́вльшуюся, любо́вию прибега́юще к Твое́й бла́гости: Тебе́ бо и́мамы, гре́шнии, предста́тельницу и Тебе́ стяжа́хом в напа́стех спасе́ние, Еди́ну Всенепоро́чную.

И ныне: Все мы знаем Тебя, Матерь Божию, / поистине явившуюся девою и после родов, / с любовью прибегая к Твоей благости; / ибо в Тебе мы, грешные, имеем защиту / и в Тебе приобрели спасение при искушениях, / единой всенепорочной.

Посем: Господи, помилуй, 30. Таже, Приидите, поклонимся: Трижды.

Затем: Господи, помилуй, (30). Приидите, поклонимся: (3)

Псалом 33

¹ Псало́м Дави́ду, внегда́ измени́ лице́ свое́ пред Авимеле́хом, и отпусти́ его́, и отъи́де.

² Благословлю́ Го́спода на вся́кое вре́мя, вы́ну хвала́ Его́ во усте́х мои́х. ³ О Го́споде похва́лится душа́ моя́, да услы́шат кро́тцыи и возвеселя́тся. ⁴ Возвели́чите Го́спода со мно́ю и вознесе́м и́мя Его́ вку́пе. ⁵ Взыска́х Го́спода и услы́ша мя, и от всех скорбе́й мои́х изба́ви мя. ⁶ Приступи́те к Нему́ и просвети́теся, и ли́ца ва́ша не постыдя́тся. ⁷ Сей ни́щий воззва́, и Госпо́дь услы́ша и́, и от всех скорбе́й eго́ спасе́ и́. ⁸ Ополчи́тся А́нгел Госпо́день о́крест боя́щихся Его́, и изба́вит их. ⁹ Вкуси́те и ви́дите, я́ко благ Госпо́дь; блаже́н муж, и́же упова́ет Нань. ¹⁰ Бо́йтеся Го́спода, вси святи́и Его́, я́ко несть лише́ния боя́щымся Его́. ¹¹ Бога́тии обнища́ша и взалка́ша, взыска́ющии же Го́спода не лиша́тся вся́каго бла́га. ¹² Прииди́те, ча́да, послу́шайте мене́, стра́ху Госпо́дню научу́ вас. ¹³ Кто́ есть челове́к хотя́й живо́т, любя́й дни ви́дети бла́ги? ¹⁴ Удержи́ язы́к твой от зла, и устне́ твои́, е́же не глаго́лати льсти. ¹⁵ Уклони́ся от зла и сотвори́ бла́го. Взыщи́ ми́ра, и пожени́ и́. ¹⁶ О́чи Госпо́дни на пра́ведныя, и у́ши Его́ в моли́тву их. ¹⁷ Лице́ же Госпо́дне на творя́щыя зла́я, е́же потреби́ти от земли́ па́мять их. ¹⁸ Воззва́ша пра́веднии, и Госпо́дь услы́ша их, и от всех скорбе́й их изба́ви их. ¹⁹ Близ Госпо́дь сокруше́нных се́рдцем, и смире́нныя ду́хом спасе́т. ²⁰ Мно́ги ско́рби пра́ведным, и от всех их изба́вит я́ Госпо́дь. ²¹ Храни́т Госпо́дь вся ко́сти их, ни еди́на от них сокруши́тся. ²² Смерть гре́шников люта́, и ненави́дящии пра́веднаго прегре́шат. ²³ Изба́вит Госпо́дь ду́шы раб Свои́х, и не прегреша́т вси, упова́ющии на Него́.

¹ Псалом Давида, воспетый им, когда притворился он безумным перед Авимелехом; и тот отпустил его, и он ушел, 33.

² Благословлю Господа во всякое время, не умолкнет хвала Ему в устах моих. ³ Восхвалит Господа душа моя; да услышат меня кроткие и возвеселятся. ⁴ Возвеличьте Господа вместе со мною, и вознесем имя Его! ⁵ Искал я Господа, и услышал Он меня, и от всех скорбей моих избавил меня. ⁶ Приступите к Нему и просветитесь, и вы не потерпите стыда. ⁷ Вот убогий воззвал, и Господь услышал его, и от всех скорбей спас его. ⁸ Оградит Ангел Господень боящихся Его и избавит их. ⁹ Вкусите и увидите, сколь благ Господь; блажен муж, уповающий на Него. ¹⁰ Бойтесь Господа, все святые Его, ибо не терпят лишений боящиеся Его. ¹¹ Богатые обнищали и взалкали; а ищущие Господа не лишатся всякого блага. ¹² Придите, чада, послушайте меня, страху Господню научу вас. ¹³ Кто из людей поистине любит жизнь и жаждет увидеть дни благие? ¹⁴ Удержи язык твой от зла и уста твои – от речей лукавых! ¹⁵ Уклонись от зла и сотвори благо; возжелай мира и устремись к нему! ¹⁶ Очи Господни обращены к праведным, и слух Его – к молитве их. ¹⁷ А делающим зло Господь являет гнев Свой, да истребится на земле память о них. ¹⁸ Воззвали праведные, и Господь услышал их, и от всех скорбей избавил их. ¹⁹ Близок Господь тем, кто сокрушен сердцем, и смиренных духом спасет. ²⁰ Много скорбей у праведных, и от всех избавит их Господь. ²¹ Хранит Господь все кости их, ни одна из них не сокрушится. ²² Смерть грешников люта, и ненавидящие праведного согрешат. ²³ Избавит Господь души рабов Своих, и не согрешат все уповающие на Него.

Псалом 38

¹ В коне́ц, Идифу́му, песнь Дави́ду.

² Рех: сохраню́ пути́ моя́, е́же не согреша́ти ми язы́ком мои́м: положи́х усто́м мои́м храни́ло, внегда́ воста́ти гре́шному предо мно́ю. ³ Онеме́х и смири́хся, и умолча́х от благ, и боле́знь моя́ обнови́ся. ⁴ Согре́яся се́рдце мое́ во мне, и в поуче́нии мое́м разгори́тся огнь. Глаго́лах язы́ком мои́м: ⁵ скажи́ ми, Го́споди, кончи́ну мою́ и число́ дней мои́х, ко́е есть? Да разуме́ю, что лиша́юся аз? ⁶ Се пя́ди положи́л еси́ дни моя́, и соста́в мой я́ко ничто́же пред Тобо́ю, оба́че вся́ческая суета́ всяк челове́к живы́й. ⁷ У́бо о́бразом хо́дит челове́к, оба́че всу́е мяте́тся: сокро́вищствует, и не весть, кому́ собере́т я́. ⁸ И ны́не кто терпе́ние мое́, не Госпо́дь ли? И соста́в мой от Тебе́ есть. ⁹ От всех беззако́ний мои́х изба́ви мя, поноше́ние безу́мному дал мя еси́. ¹⁰ Онеме́х и не отверзо́х уст мои́х, я́ко Ты сотвори́л еси́. ¹¹ Отста́ви от мене́ ра́ны Твоя́: от кре́пости бо руки́ Твоея́ аз исчезо́х. ¹² Во обличе́ниих о беззако́нии наказа́л еси́ челове́ка и иста́ял еси́, я́ко паучи́ну, ду́шу eго́: оба́че всу́е всяк челове́к. ¹³ Услы́ши моли́тву мою́, Го́споди, и моле́ние мое́ внуши́, слез мои́х не премолчи́: я́ко пресе́льник аз есмь у Тебе́ и пришле́ц, я́коже вси отцы́ мои́. ¹⁴ Осла́би ми, да почи́ю, пре́жде да́же не отъиду́, и ктому́ не бу́ду.

¹ В конец, Идифуму. Песнь Давида, 38.

² Сказал я: «Буду хранить в чистоте пути мои, дабы не согрешать мне языком моим». Положил я запрет устам моим, доколе стоит грешник предо мною. ³ Онемел я, смирился, умолк, утратив блага, и снова скорбь овладела мной. ⁴ Воспылало сердце мое во мне, и огонь разгорелся в размышлении моем. Говорил я языком моим: ⁵ Открой мне, Господи, день кончины моей и число дней моих, велико ли оно, да уразумею, что еще остается мне. ⁶ Словно пядью, измерил Ты дни мои, и естество мое как бы ничто пред Тобою. Впрочем, все суета, всяк человек живущий! ⁷ Подобно призраку, ходит человек, но напрасно суетится он; собирает сокровища и не знает, кому достанутся они. ⁸ А ныне кто надежда моя? Не Ты ли, Господи? И Тобою создано естество мое. ⁹ От беззаконий моих избавь меня! На поношение безумцу Ты отдал меня. ¹⁰ Онемел я и не отверзал уст моих, ибо Ты этого возжелал. ¹¹ Отведи от меня удары Твои, ибо от крепкой руки Твоей я изнемог. ¹² Обличая беззакония, поучал Ты человека и непорочной, как паутина, соделал жизнь его. Впрочем, суетен всяк человек. ¹³ Услышь молитву мою, Господи, внемли молению моему! Не безмолвствуй, видя слезы мои, ибо странник я у Тебя и пришлец, подобно отцам моим. ¹⁴ Смилуйся надо мною, да вкушу покой, прежде чем умру и не станет меня.

Псалом 40

¹ В коне́ц, псало́м Дави́ду.

² Блаже́н разумева́яй на ни́ща и убо́га, в день лют изба́вит eго́ Госпо́дь. ³ Госпо́дь да сохрани́т eго́ и живи́т eго́, и да ублажи́т eго́ на земли́, и да не преда́ст eго́ в ру́ки враго́в eго́. ⁴ Госпо́дь да помо́жет eму́ на одре́ боле́зни eго́: все ло́же eго́ обрати́л еси́ в боле́зни eго́. ⁵ Аз рех: Го́споди, поми́луй мя, исцели́ ду́шу мою́, я́ко согреши́х Ти. ⁶ Врази́ мои́ ре́ша мне зла́я: когда́ у́мрет и поги́бнет и́мя eго́? ⁷ И вхожда́ше ви́дети, всу́е глаго́лаше се́рдце eго́, собра́ беззако́ние себе́, исхожда́ше вон и глаго́лаше вку́пе. ⁸ На мя шепта́ху вси врази́ мои́, на мя помышля́ху зла́я мне. ⁹ Сло́во законопресту́пное возложи́ша на мя: еда́ спяй не приложи́т воскресну́ти? ¹⁰ И́бо челове́к ми́ра моего́, на него́же упова́х, яды́й хле́бы моя́, возвели́чи на мя запина́ние. ¹¹ Ты же, Го́споди, поми́луй мя и возста́ви мя и возда́м им. ¹² В сем позна́х, я́ко восхоте́л мя еси́, я́ко не возра́дуется враг мой о мне. ¹³ Мене́ же за незло́бие прия́л и утверди́л мя еси́ пред Тобою́ в век. ¹⁴ Благослове́н Госпо́дь Бог Изра́илев от ве́ка и до ве́ка: бу́ди, бу́ди.

¹ В конец, псалом Давида, 40.

² Блажен, кто опекает нищего и убогого, в день лютый избавит его Господь; ³ Господь да сохранит его, и сбережет его, и дарует ему блаженство на земле, и да не предаст его в руки врагов его! ⁴ Господь да поможет ему на одре болезни его; не будет ложе его ложем страданий. ⁵ Я сказал: «Господи, помилуй меня, исцели душу мою, ибо согрешил я пред Тобой!» ⁶ Враги мои говорили обо мне злое: «Когда же он умрет, и погибнет с ним имя его?» ⁷ И если кто из них навещал меня, неправду говорило сердце его; умножал он беззакония свои; уходил от меня, и совещались они. ⁸ Обо мне шептались враги мои, на меня замышляли злое. ⁹ Слова беззаконные говорили обо мне: «Ужели спящий восстанет вновь?» ¹⁰ Ибо человек близкий мне, на которого я надеялся, вкушавший хлеб мой, поднял на меня пяту. ¹¹ Но Ты, Господи, помилуй меня и воздвигни меня, и я покараю их! ¹² И познаю, что угоден я Тебе, если враг мой не восторжествует надо мной. ¹³ А меня за незлобие принял Ты и утвердил меня пред Собою навеки. ¹⁴ Благословен Господь Бог Израилев вовеки! Да будет так, да будет!

Таже, Трисвятое. И по Отче наш:^*

Затем: Трисвятое. Слава, и ныне: Пресвятая Троица: Господи, помилуй. (3) Слава, и ныне: Отче наш:

Тропари, глас 4

Смире́нную мою́ ду́шу посети́, Го́споди, во гресе́х все́ житие́ ижди́вшую: и́мже о́бразом блудни́цу, приими́ и мене́, и спаси́ мя́.

Смиренную мою душу посети, Господи, / во грехах всю жизнь растратившую; / так же как блудницу, и меня прими, / и спаси меня.

Слава: Все́ житие́ мое́ сту́дно ижди́в Го́споди, со блудни́цами окая́нный, я́коже блу́дный умиле́нием зову́: О́тче Небе́сный, согреши́х, очи́сти и спаси́ мя, и не отри́ни мене́ самого́ от Тебе́ удали́вшася, и Боже́ственными де́лы ны́не обнища́вшаго.

Слава: Всю мою жизнь я постыдно провел, Господи, / с блудницами, несчастный. / Как блудный сын в сокрушении взываю: / «Отче Небесный, я согрешил, / смилуйся и спаси меня, / и не отринь меня, по своей воле от Тебя удалившегося / и из-за бесплодных дел ныне обнищавшего.

И ныне: К Богоро́дице приле́жно ны́не притеце́м, гре́шнии и смире́ннии, и припаде́м, в покая́нии зову́ще из глубины́ души́: Влады́чице, помози́, на ны́ милосе́рдовавши, потщи́ся, погиба́ем от мно́жества прегреше́ний, не отврати́ Твоя́ рабы́ тщи́, Тя́ бо и еди́ну наде́жду и́мамы.

И ныне: К Богородице ныне усердно прибегнем / мы, грешные и смиренные, и к Ней припадем, / в покаянии взывая из глубины души: / «Владычица, помоги, над нами сжалившись, / поспеши, мы погибаем от множества согрешений! / Не отпусти Твоих рабов ни с чем: / ибо в Тебе имеем мы единственную надежду!»

Посем: Господи, помилуй, 30. Таже, Приидите, поклонимся: Трижды.

Затем: Господи, помилуй, (30). Приидите, поклонимся: (3)

Псалом 69

¹ В коне́ц, Дави́ду в воспомина́ние, во е́же спасти́ мя Го́споду.

² Бо́же, в по́мощь мою́ вонми́, Го́споди, помощи́ ми потщи́ся. ³ Да постыдя́тся и посра́мятся и́щущии ду́шу мою́, да возвратя́тся вспять и постыдя́тся хотя́щии ми зла́я. ⁴ Да возвратя́тся а́бие стыдя́щеся глаго́лющии ми: бла́гоже, бла́гоже. ⁵ Да возра́дуются и возвеселя́тся о Тебе́ вси и́щущии Тебе́, Бо́же, и да глаго́лют вы́ну, да возвели́чится Госпо́дь, лю́бящии спасе́ние Твое́: ⁶ аз же нищ есмь и убо́г, Бо́же, помози́ ми: Помо́щник мой и Изба́витель мой еси́ Ты, Го́споди, не закосни́.

¹ В конец, Давида, в воспоминание о том, что спас его Господь, 69.

² Боже, помощь мне окажи! Господи, не замедли помочь мне! ³ Да постыдятся и посрамятся ищущие гибели моей, да обратятся вспять и постыдятся желающие мне зла! ⁴ Да обратятся вспять со стыдом говорящие мне злобно: «Добро же тебе, добро!» ⁵ Да возрадуются и возвеселятся о Тебе ищущие Тебя, Боже, и говорят жаждущие от Тебя спасения: «Да возвеличится Господь!» ⁶ А я нищ и убог. Помоги мне, Боже, Податель помощи, Избавитель мой, Господи, не замедли!

Псалом 70

Дави́ду псало́м, сыно́в Ионада́вовых и пе́рвых пле́ншихся, не надпи́сан у евре́й.

¹ На Тя, Го́споди, упова́х, да не постыжу́ся в век. ² Пра́вдою Твое́ю изба́ви мя и изми́ мя, приклони́ ко мне у́хо Твое́ и спаси́ мя. ³ Бу́ди ми в Бо́га Защи́тителя и в ме́сто кре́пко спасти́ мя, я́ко утверже́ние мое́ и прибе́жище мое́ еси́ Ты. ⁴ Бо́же мой, изба́ви мя из руки́ гре́шнаго, из руки́ законопресту́пнаго и оби́дящаго, ⁵ я́ко Ты еси́ терпе́ние мое́, Го́споди, Го́споди, упова́ние мое́ от ю́ности моея́. ⁶ В Тебе́ утверди́хся от утро́бы, от чре́ва ма́тере моея́ Ты еси́ мой покрови́тель: о Тебе́ пе́ние мое́ вы́ну. ⁷ Я́ко чу́до бых мно́гим, и Ты помо́щник мой кре́пок. ⁸ Да испо́лнятся уста́ моя́ хвале́ния, я́ко да воспою́ сла́ву Твою́, весь день великоле́пие Твое́. ⁹ Не отве́ржи мене́ во вре́мя ста́рости, внегда́ оскудева́ти кре́пости мое́й, не оста́ви мене́. ¹⁰ Я́ко ре́ша врази́ мои́ мне, и стрегу́щии ду́шу мою́ совеща́ша вку́пе, ¹¹ глаго́люще: Бог оста́вил есть eго́, пожени́те и ими́те eго́, я́ко несть избавля́яй. ¹² Бо́же мой, не удали́ся от мене́, Бо́же мой, в по́мощь мою́ вонми́. ¹³ Да постыдя́тся и исче́знут оклевета́ющии ду́шу мою́, да облеку́тся в студ и срам и́щущии зла́я мне. ¹⁴ Аз же всегда́ возупова́ю на Тя и приложу́ на вся́ку похвалу́ Твою́. ¹⁵ Уста́ моя́ возвестя́т пра́вду Твою́, весь день спасе́ние Твое́, я́ко не позна́х кни́жная. ¹⁶ Вни́ду в си́ле Госпо́дни, Го́споди, помяну́ пра́вду Тебе́ Еди́наго. ¹⁷ Бо́же мой, и́мже научи́л мя еси́ от ю́ности моея́, и до ны́не возвещу́ чудеса́ Твоя́, ¹⁸ и да́же до ста́рости и престаре́ния, Бо́же мой, не оста́ви мене́, до́ндеже возвещу́ мы́шцу Твою́ ро́ду всему́ гряду́щему, ¹⁹ си́лу Твою́ и пра́вду Твою́, Бо́же, да́же до вы́шних, я́же сотвори́л ми еси́ вели́чия. Бо́же, кто подо́бен Тебе́? ²⁰ Ели́ки яви́л ми еси́ ско́рби мно́ги и злы, и обра́щься оживотвори́л мя еси́, и от бездн земли́ возве́л мя еси́. ²¹ Умно́жил еси́ на мне вели́чествие Твое́, и обра́щься уте́шил мя еси́, и от бездн земли́ па́ки возве́л мя еси́. ²² И́бо аз испове́мся Тебе́ в лю́дех, Го́споди, в сосу́дех псало́мских и́стину Твою́, Бо́же, воспою́ Тебе́ в гу́слех, Святы́й Изра́илев. ²³ Возра́дуетеся устне́ мои́, егда́ воспою́ Тебе́, и душа́ моя́, ю́же еси́ изба́вил. ²⁴ Еще́ же и язы́к мой весь день поучи́тся пра́вде Твое́й, егда́ постыдя́тся и посра́мятся и́щущии зла́я мне.

Псалом Давида, сынов Ионадава и первых пленников, не надписан у евреев, 70.

¹ На Тебя, Господи, уповаю, да не постыжусь вовеки! ² Силою правды Твоей избавь меня и исторгни меня! Приклони ко мне ухо Твое и спаси меня! ³ Будь мне Богом Защитником и оплотом спасения моего, ибо Ты твердыня моя и прибежище мое! ⁴ Боже мой, избавь меня от руки грешника, от руки беззаконника и обидчика. ⁵ Ибо Ты надежда моя, Господи, Господи, упование мое от юности моей! ⁶ Ты опора моя от рождения, еще от чрева матери моей Ты мой Покровитель; Тебя воспеваю непрестанно. ⁷ Ибо чуждались меня многие, но Ты Заступник мой крепкий. ⁸ Да исполнятся уста мои хвалою, и да воспою славу Твою, всяк день великолепие Твое! ⁹ Не отвергни меня в годы старости; когда оскудеют силы мои, не оставь меня! ¹⁰ Ибо твердили враги мои мне, и подстерегавшие меня совещались вместе, ¹¹ Говоря: «Бог оставил его, преследуйте и схватите его, ибо нет у него избавителя!» ¹² Боже мой, не удаляйся от меня! Боже мой, на помощь мне приди! ¹³ Да посрамятся и исчезнут все, кто клевещет на душу мою; да облекутся стыдом и позором все желающие мне зла! ¹⁴ А я буду всегда уповать на Тебя и умножать славу Твою. ¹⁵ Уста мои возвестят правду Твою, всяк день – спасение, дарованное Тобой, ибо не тверд я в мудрости книжной. ¹⁶ Войду в храм, облеченный силой Господней. Господи, помяну правду Твою, Единый! ¹⁷ Боже мой, поучал Ты меня от юности моей, и вот ныне я возвещаю о чудесах Твоих. ¹⁸ И даже до старости и одряхления, Боже мой, не оставь меня, доколе не возвещу всему роду грядущему о силе десницы Твоей, ¹⁹ Могущество Твое и правду Твою, Боже, высокую, как небеса, и все великое, что сотворил Ты мне: Боже, кто подобен Тебе? ²⁰ Сколь многие и лютые скорби посылал Ты мне! Но, обратившись ко мне, возвращал жизнь и из пропасти земной выводил меня вновь. ²¹ Много раз являл Ты мне величие Твое и, обратившись ко мне, утешал меня и из пропасти земной выводил меня вновь. ²² И я прославлю Тебя среди народов, Господи, на струнах псалтири истину Твою, Боже; воспою Тебя на гуслях, Святой Израилев! ²³ Возрадуются уста мои, когда воспою Тебя, и душа моя, избавленная Тобою; ²⁴ И язык мой всяк день поучаться будет правде Твоей; и тогда постыдятся и посрамятся желающие мне зла.

Псалом 76

¹ В коне́ц, о Идифу́ме, псало́м Аса́фу.

² Гла́сом мои́м ко Го́споду воззва́х, гла́сом мои́м к Бо́гу, и внят ми. ³ В день ско́рби моея́ Бо́га взыска́х рука́ма мои́ма, но́щию пред Ним, и не прельще́н бых. Отве́ржеся уте́шитися душа́ моя́. ⁴ Помяну́х Бо́га и возвесели́хся, поглумля́хся и малоду́шествоваше дух мой. ⁵ Предвари́сте стражбы́ о́чи мои́: смято́хся и не глаго́лах. ⁶ Помы́слих дни пе́рвыя, и ле́та ве́чная помяну́х, и поуча́хся: ⁷ но́щию се́рдцем мои́м глумля́хся, и тужа́ше дух мой: ⁸ еда́ во ве́ки отри́нет Госпо́дь, и не приложи́т благоволи́ти па́ки? ⁹ Или́ до конца́ ми́лость Свою́ отсече́т, сконча́ глаго́л от ро́да в род? ¹⁰ Еда́ забу́дет уще́дрити Бог? Или́ удержи́т во гне́ве Свое́м щедро́ты Своя́? ¹¹ И рех: ны́не нача́х, сия́ изме́на десни́цы Вы́шняго. ¹² Помяну́х дела́ Госпо́дня, я́ко помяну́ от нача́ла чудеса́ Твоя́, ¹³ и поучу́ся во всех де́лех Твои́х, и в начина́ниих Твои́х поглумлю́ся. ¹⁴ Бо́же, во святе́м путь Твой: кто Бог ве́лий я́ко Бог наш? ¹⁵ Ты еси́ Бог творя́й чудеса́: сказа́л еси́ в лю́дех си́лу Твою́, ¹⁶ изба́вил еси́ мы́шцею Твое́ю лю́ди Твоя́, сы́ны Иа́ковли и Ио́сифовы. ¹⁷ Ви́деша Тя во́ды, Бо́же, ви́деша Тя во́ды, и убоя́шася: смято́шася бе́здны, ¹⁸ мно́жество шу́ма вод, глас да́ша о́блацы, и́бо стре́лы Твоя́ прехо́дят. ¹⁹ Глас гро́ма Твоего́ в колеси́, освети́ша мо́лния Твоя́ вселе́нную: подви́жеся и тре́петна бысть земля́. ²⁰ В мо́ри путие́ Твои́, и стези́ Твои́ в вода́х мно́гих, и следы́ Твоя́ не позна́ются. ²¹ Наста́вил еси́ я́ко о́вцы лю́ди Твоя́ руко́ю Моисе́овою и Ааро́нею.

¹ В конец, через Идифума, псалом Асафа, 76.

² Громко воззвал я ко Господу, громко воззвал я к Богу, и внял Он мне. ³ В день скорби моей я искал Бога; руки мои простирал к Нему ночью, и не обманулся в надежде своей; но отвергала утешение душа моя. ⁴ Я поминал Бога и радовался, погружался в размышления и впадал в малодушие дух мой. ⁵ Не смыкал я глаз ночью, когда сменялась стража, был я в смятенье и хранил молчание. ⁶ Помышлял я о днях древних, годы минувшие вспоминал и назидался. ⁷ Ночью в сердце моем размышлял я и пытался познать дух мой; ⁸ Ужели навеки отринет нас Господь, перестанет благоволить к нам? ⁹ Или вконец лишит нас милости Своей? Или замолкло слово Его, звучавшее из рода в род? ¹⁰ Ужели не захочет помиловать нас Бог? Или прекратит Он в гневе Своем щедроты Свои? ¹¹ И сказал я: «Ныне начал я разуметь: свершает изменения десница Всевышнего». ¹² Я вспомнил о делах Господних; вспомню чудеса Твои от дней древних ¹³ И поучаться буду всеми деяниями Твоими, и о соделанном Тобой размышлять. ¹⁴ Боже, исполнен святости путь Твой. Где есть Бог столь великий, как Бог наш? ¹⁵ Ты – Бог, творящий чудеса! Ты явил народу силу Твою, ¹⁶ Избавил десницей Твоею народ Твой, сынов Иакова, сынов Иосифа. ¹⁷ Узрели Тебя воды, Боже, узрели Тебя воды и устрашились; содрогнулись бездны; ¹⁸ Восшумели воды великие; возгремели облака, и стрелы Твои разящие летят. ¹⁹ Раскаты грома Твоего огласили небосвод, осветили молнии Твои вселенную; поколебалась и вострепетала земля. ²⁰ В море пути Твои, и стези Твои на водах многих, и следов Твоих никто не узрит. ²¹ Направлял Ты, словно овец, народ Твой рукою Моисеевой и Аароновой.

Таже, Трисвятое. И по Отче наш:^*

Затем: Трисвятое. Слава, и ныне: Пресвятая Троица: Господи, помилуй. (3) Слава, и ныне: Отче наш:

Тропари, глас 6

Помышля́ю де́нь стра́шный и пла́чуся дея́ний мои́х лука́вых: ка́ко отвеща́ю Безсме́ртному Царю́, или́ ко́им дерзнове́нием воззрю́ на Судию́, блу́дный а́з? Благоутро́бный О́тче, Сы́не Единоро́дный и Ду́ше Святы́й, поми́луй мя́.

Помышляю о дне страшном / и оплакиваю злые мои деяния. / Как я дам ответ Бессмертному Царю? / Или как дерзну я, блудный, взглянуть на Судию? / Милосердный Отче, Сын Единородный, / Дух Святой, помилуй меня!

Слава: Во юдо́ли плаче́вне, на ме́сте, е́же завеща́л еси́, егда́ ся́деши, Ми́лостиве, сотвори́ти пра́ведный су́д, не обличи́ моя́ сокрове́нная, ниже́ посрами́ мене́ пред А́нгелы, но пощади́ мя́, Бо́же, и поми́луй мя́.

Слава: В долине плача, / на месте, которое Ты назначил, / когда сядешь, Милостивый, сотворить праведный суд, / не обличи моё сокровенное / и не посрами меня пред Ангелами, / но пощади меня, Боже, и помилуй меня.

И ныне: Милосе́рдия две́ри отве́рзи нам, благослове́нная Богоро́дице, наде́ющиися на Тя да не поги́бнем, но да изба́вимся Тобо́ю от бед: Ты бо еси́ спасе́ние ро́да христиа́нскаго.

И ныне: Милосердия двери отверзи нам, / благословенная Богородица, / дабы мы, надеясь на Тебя, не постыдились, / но избавились молитвами Твоими от бед, / ибо Ты – спасение рода христианского.

Господи, помилуй, 30. Таже, Приидите, поклонимся: Трижды.

Затем: Господи, помилуй, (30). Приидите, поклонимся: (3)

Псалом 101

¹ Моли́тва ни́щаго, егда́ уны́ет, и пред Го́сподем пролие́т моле́ние свое́.

² Го́споди, услы́ши моли́тву мою́, и вопль мой к Тебе́ да прии́дет. ³ Не отврати́ лица́ Твоего́ от мене́: во́ньже а́ще день скорблю́, приклони́ ко мне у́хо Твое́: во́ньже а́ще день призову́ Тя, ско́ро услы́ши мя. ⁴ Я́ко исчезо́ша я́ко дым дни́е мои́, и ко́сти моя́ я́ко суши́ло сосхо́шася. ⁵ Уя́звен бых я́ко трава́, и и́зсше се́рдце мое́, я́ко забы́х сне́сти хлеб мой. ⁶ От гла́са воздыха́ния моего́ прильпе́ кость моя́ пло́ти мое́й. ⁷ Уподо́бихся нея́сыти пусты́нней, бых я́ко нощны́й вран на ны́рищи. ⁸ Бдех и бых я́ко пти́ца осо́бящаяся на зде. ⁹ Весь день поноша́ху ми врази́ мои́, и хва́лящии мя мно́ю кленя́хуся. ¹⁰ Зане́ пе́пел я́ко хлеб ядя́х, и питие́ мое́ с пла́чем растворя́х. ¹¹ От лица́ гне́ва Твоего́ и я́рости Твоея́: я́ко возне́с низве́ргл мя еси́. ¹² Дни́е мои́ я́ко сень уклони́шася, и аз я́ко се́но изсхо́х. ¹³ Ты же, Го́споди, во век пребыва́еши, и па́мять Твоя́ в род и род. ¹⁴ Ты воскре́с уще́дриши Сио́на, я́ко вре́мя уще́дрити eго́, я́ко прии́де вре́мя. ¹⁵ Я́ко благоволи́ша раби́ Твои́ ка́мение eго́, и персть eго́ уще́дрят. ¹⁶ И убоя́тся язы́цы и́мене Госпо́дня, и вси ца́рие зе́мстии сла́вы Твоея́. ¹⁷ Я́ко сози́ждет Госпо́дь Сио́на, и яви́тся во сла́ве Свое́й. ¹⁸ Призре́ на моли́тву смире́нных, и не уничижи́ моле́ния их. ¹⁹ Да напи́шется сие́ в род ин, и лю́дие зи́ждемии восхва́лят Го́спода. ²⁰ Я́ко прини́че с высоты́ святы́я Своея́, Госпо́дь с небесе́ на зе́млю призре́, ²¹ услы́шати воздыха́ние окова́нных, разреши́ти сы́ны умерщвле́нных, ²² возвести́ти в Сио́не и́мя Госпо́дне, и хвалу́ Его́ во Иерусали́ме. ²³ Внегда́ собра́тися лю́дем вку́пе, и царе́м, е́же рабо́тати Го́сподеви. ²⁴ Отвеща́ eму́ на пути́ кре́пости eго́: умале́ние дней мои́х возвести́ ми. ²⁵ Не возведи́ мене́ в преполове́ние дней мои́х: в ро́де родо́в ле́та Твоя́. ²⁶ В нача́лех Ты, Го́споди, зе́млю основа́л еси́, и дела́ руку́ Твое́ю суть небеса́. ²⁷ Та поги́бнут, Ты же пребыва́еши: и вся, я́ко ри́за обетша́ют, и я́ко оде́жду свие́ши я́ и изменя́тся. ²⁸ Ты же то́йжде еси́, и ле́та Твоя́ не оскуде́ют. ²⁹ Сы́нове раб Твои́х вселя́тся, и се́мя их во век испра́вится.

¹ Молитва убогого, когда унывает он и пред Господом изливает моление свое, 101.

² Господи, услышь молитву мою, и вопль мой к Тебе да вознесется! ³ Не отвращай лица Твоего от меня; в день, когда я скорблю, приклони ко мне ухо Твое; в день, когда призову Тебя, вскоре услышь меня! ⁴ Ибо исчезают, как дым, дни мои, и кости мои, подобно хворосту, высохли. ⁵ Срезан был я, как трава, иссохло сердце мое, и даже забывал я вкушать хлеб мой. ⁶ От непрестанных стенаний моих присохла кость моя к плоти моей. ⁷ Уподобился я птице пустынной, был я как филин в ночи на развалинах. ⁸ Бодрствовал я и был как птица одинокая на кровле. ⁹ Всяк день поносили меня враги мои и те, кто прежде хвалили меня, клятвенно от меня отрекались. ¹⁰ Пепел ел я с хлебом и воду пил со слезами, ¹¹ Удрученный гневом Твоим и яростью Твоей, ибо Ты вознес меня, но затем низверг. ¹² Дни мои, словно тень, канули, и я, будто сено, иссох. ¹³ А Ты, Господи, вовеки пребываешь, и помнят Тебя из рода в род. ¹⁴ Ты восстанешь и явишь милость Сиону, ибо время явить милость, уже пришло время! ¹⁵ Ибо возлюбили рабы Твои камни Сиона, и даже прах его дорог сердцу их. ¹⁶ И устрашатся народы имени Господа, и цари земные – славы Его; ¹⁷ Ибо Господь воздвигнет Сион и явится в славе Своей. ¹⁸ Услышал Он молитву смиренных, не отверг моления их. ¹⁹ Да возвестится это поколениям грядущим, и потомки наши восхвалят Господа; ²⁰ Ибо Он приклонился с высоты святой Своей, Господь с Небес на землю воззрел; ²¹ Услышит Он воздыхания пленников, развяжет узы сыновей убитых отцов. ²² И возвестится на Сионе имя Господне, прославят Его в Иерусалиме, ²³ Когда соберутся воедино народы и цари служить Господу. ²⁴ Говорил я Богу, когда был в полноте сил своих: «Поведай мне, много ли еще осталось дней жизни моей. ²⁵ Не отними жизнь мою на половине лет моих!» Неисчислимы годы Твои! ²⁶ В начале Ты, Господи, сотворил землю, и дело рук Твоих – небеса. ²⁷ Они погибнут, а Ты пребываешь вовеки; точно одежда, они обветшают, и словно ризу, совьешь Ты их, и преобразятся; ²⁸ А Ты пребываешь неизменным, и годы Твои не иссякнут. ²⁹ Сыновья рабов Твоих вселятся с праведными, и потомство их вовеки будет жить в правде.

Молитва Манассии, царя Иудейска

Молитва Манассии, царя Иудейского

Го́споди Вседержи́телю, Бо́же отец на́ших, Авраа́мов, и Исаа́ков, и Иа́ковль, и се́мене их пра́веднаго: сотвори́вый не́бо и зе́млю со все́ю ле́потою их, связа́вый мо́ре сло́вом повеле́ния Твоего́, заключи́вый бе́здну, и запеча́тствовавый ю́ стра́шным и сла́вным и́менем Твои́м, его́же вся боя́тся, и трепе́щут от лица́ си́лы Твоея́, я́ко непостоя́нно великоле́пие сла́вы Твоея́, и нестерпи́мь гнев, е́же на гре́шники преще́ния Твоего́. Безме́рна же и неизсле́дованна ми́лость обеща́ния Твоего́: Ты бо еси́ Госпо́дь Вы́шний, благоутро́бен. долготерпели́в и многоми́лостив, и ка́яйся о зло́бах челове́ческих. Ты Го́споди, по мно́жеству бла́гости Твоея́, обеща́л еси́ покая́ние и оставле́ние согреши́вшим Тебе́, и мно́жеством щедро́т Твои́х, определи́л еси́ покая́ние гре́шником во спасе́ние. Ты у́бо Го́споди Бо́же сил, не положи́л еси́ покая́ние пра́ведным, Авраа́му и Исаа́ку и Иа́кову, не согреши́вшим Тебе́. Но положи́л еси́ покая́ние на мне, гре́шнем: зане́ согреши́х па́че числа́ песка́ морска́го. Умно́жишася беззако́ния моя́, Го́споди, умно́жишася беззако́ния моя́: и несмь досто́ин воззре́ти, и ви́дети высоту́ небе́сную от мно́жества непра́вд мои́х. Сля́чен есмь мно́гими у́зами желе́зными, во е́же не возвести́ главы́ моея́, и несть ми ослабле́ния: зане́ прогне́вах я́рость Твою́, и лука́вое пред Тобо́ю сотвори́х, не сотвори́вый во́ли Твоея́, и не сохрани́вый повеле́ний Твои́х. И ны́не приклоня́ю коле́на се́рдца, тре́буя от Тебе́ бла́гости: согреши́х, Го́споди, согреши́х, и беззако́ния моя́ аз вем, но прошу́ моля́ся, осла́би ми, Го́споди, осла́би ми, и не погуби́ мене́ со беззако́ньми мои́ми. Ниже́ в век враждова́в соблюде́ши зол мои́х, ниже́ осу́диши мя в преиспо́дних земли́. Зане́ Ты еси́ Бо́же, Бог ка́ющихся, и на мне яви́ши всю бла́гость Твою́, я́ко недосто́йна су́ща спасе́ши мя, по мно́зей ми́лости Твое́й, и восхвалю́ Тя вы́ну во днех живота́ моего́, я́ко Тя пое́т вся си́ла небе́сная, и Твоя́ есть сла́ва во ве́ки веко́в, ами́нь.

Господи Вседержитель, Боже отцов наших: Авраама, и Исаака, и Иакова, и семени их праведного, сотворивший небо и землю со всем благолепием их, связавший море словом повеления Твоего, заключивший бездну и запечатавший её страшным и славным именем Твоим, Которого все боятся, и трепещут от лица силы Твоей, потому что никому не устоять пред великолепием славы Твоей, и нестерпим грозный гнев Твой на грешников! Но безмерна и непостижима милость обетования Твоего; ибо Ты Господь высочайший, милосердный, долготерпеливый и многомилостивый, и сожалеющий о злых делах человеческих. Ты, Господи, по множеству Твоей благости, обещал покаяние и прощение согрешившим Тебе и, по множеству сострадания Твоего, определил покаяние грешникам во спасение. Так вот, Ты, Господи, Боже Сил, не положил покаяния праведным Аврааму, и Исааку, и Иакову, не согрешившим Тебе, но положил покаяние мне, грешнику, потому что я согрешил более числа песка морского. Умножились беззакония мои, Господи, умножились беззакония мои, и недостоин я взглянуть и увидеть высоту небесную от множества неправд моих. Я согбен многими узами железными, так что не могу поднять головы моей, и нет мне облегчения, потому что возбудил я гнев Твой и злое пред Тобою сотворил: не исполнил воли Твоей и не сохранил повелений Твоих. И ныне преклоняю колени сердца моего, нуждаясь в Твоей благости. Согрешил я, Господи, согрешил, и беззакония мои я знаю; но прошу, молясь Тебе: отпусти мне, Господи, отпусти мне, и не погуби меня с беззакониями моими, и, навеки разгневавшись, не соблюди злых дел моих, и не осуди меня в глубочайшие места земли. Ибо Ты, Боже, – Бог кающихся, и на мне явишь всю благость Твою, ибо Ты спасешь меня, недостойного, по великой милости Твоей, и я буду восхвалять Тебя непрестанно во все дни жизни моей, ибо Тебя воспевают все Силы небесные, и Твоя слава во веки веков. Аминь.

Таже:

Славословие вседневное

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя, вели́кия ра́ди сла́вы Твоея́. Го́споди, Царю́ Небе́сный, Боже, О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех мiра, поми́луй нас. Взе́мляй грехи́ мiра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ Еди́н Свят; Ты еси́ Еди́н Госпо́дь, Иису́с Христо́с, в сла́ву Бо́га Отца́, ами́нь. На вся́к день благословлю́ Тя и восхвалю́ и́мя Твое́ во ве́ки, и в век ве́ка. Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой, я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя. Сподо́би, Го́споди, в день сей без греха́ сохрани́тися нам. Благослове́н еси́ Го́споди Бо́же оте́ц на́ших, и хва́льно и просла́влено и́мя Твое́ во ве́ки, ами́нь. Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми. Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не и при́сно, и во ве́ки веко́в, ами́нь.

Слава в вышних Богу, и на земле мир, среди людей – благоволение. Восхваляем Тебя, благословляем Тебя, поклоняемся Тебе, славословим Тебя, благодарим Тебя ради великой славы Твоей. Господи, Царь Небесный, Боже Отче Вседержитель, Господи, Сын Единородный Иисусе Христе, и Дух Святой! Господи Боже, Агнец Божий, Сын Отчий, подъемлющий грех мiра, помилуй нас. Подъемлющий грехи мiра, прими молитву нашу, Сидящий справа от Отца, помилуй нас. Ибо Ты – один Свят, Ты один – Господь, Иисус Христос, во славу Бога Отца. Аминь. На всякий день благословлю Тебя и восхвалю имя Твоё во веки, и в век века. Господи, Ты стал для нас прибежищем от рода в род. Я сказал: Господи, помилуй меня, исцели душу мою, ибо я согрешил пред Тобой. Господи, к Тебе я прибег, научи меня творить волю Твою, ибо Ты – Бог мой. Ибо у Тебя источник жизни, во свете Твоём мы увидим свет. Простри милость Твою к знающим Тебя. Сподоби, Господи, в день сей без греха сохраниться нам. Благословен Ты, Господи, Боже отцов наших, и хвально и прославлено имя Твоё вовеки. Аминь. Да будет, Господи, милость Твоя на нас, как мы уповаем на Тебя. Благословен Ты, Господи, научи меня повелениям Твоим. Благословен Ты, Владыка, вразуми меня повелениями Твоими. Благословен Ты, Святой, просвети меня повелениями Твоими. Господи, милость Твоя вовек, созданий рук Твоих не презри. Тебе подобает хвала, Тебе подобает пение, Тебе слава подобает, Отцу, и Сыну, и Святому Духу, ныне, и всегда, и во веки веков. Аминь.

Молитва святаго Евстратия

Молитва святого Евстратия

Велича́я велича́ю Тя Го́споди, я́ко призре́л еси́ на смире́ние мое́, и не́си мене́ затвори́л в рука́х вра́жиих, но спасл еси́ от нужд ду́шу мою́. И ны́не Влады́ко, да покры́ет мя рука́ Твоя́, и да прии́дет на мя ми́лость Твоя́, я́ко смяте́ся душа́ моя́, и боле́зненна есть во исхожде́нии свое́м, от окая́ннаго моего́ и скве́рнаго телесе́ сего́. Да не когда́ лука́вый сопоста́та сове́т сря́щет, и препне́т ю́ во тме, за неве́домыя и ве́домыя в житии́ сем бы́вшия ми грехи́. Ми́лостив бу́ди ми, Влады́ко, и да не у́зрит душа́ моя́ мра́чнаго взо́ра лука́вых де́монов, но да прии́мут ю́ Ангели Твои́ све́тлии и пресве́тлии. Даждь сла́ву и́мени Твоему́ свято́му, и Твое́ю си́лою возведи́ мя на Боже́ственное Твое́ суди́ще, внегда́ суди́тися ми, да не прии́мет мя рука́ кня́зя мiра сего́, е́же исто́ргнути мя, гре́шника, во глубину́ а́дову, но предста́ни ми, и бу́ди ми Спас и Засту́пник. Теле́сныя бо и сия́ муче́ния, весе́лия суть рабо́м Твои́м. Поми́луй, Го́споди, оскверни́вшуюся страстьми́ жития́ сего́ ду́шу мою́: и чи́сту ю́ покая́нием и испове́данием приими́, я́ко благослове́н еси́ во ве́ки веко́в, ами́нь.

Величая, превозношу Тебя, Господи, ибо призрел Ты на смирение моё и не заключил меня в руках врагов, но спас от бедствий душу мою. И ныне, Владыка, да покроет меня рука Твоя и да придёт ко мне милость Твоя, ибо в смятении душа моя и страдает при выходе своем из жалкого моего и скверного тела сего, страшась, чтобы как-нибудь злой замысел противника не встретил и не ниспроверг её во тьме из-за грехов, случившихся со мною в жизни сей в ведении и неведении. Будь милостив ко мне, Владыка, и да не увидит душа моя мрачного и темного взора злых демонов, но да примут её Ангелы Твои сияющие и светлые. Дай славу имени Твоему святому и Твоею силою возведи меня к божественному Твоему судилищу. Когда судим я буду, да не овладеет мною рука князя мiра сего, чтобы увлечь меня, грешника, во глубину ада, но предстань мне и будь мне Спасителем и Защитником. Ведь даже эти телесные мучения – веселие для рабов Твоих. Помилуй, Господи, осквернённую страстями житейскими душу мою, и прими её, очищенную покаянием и исповеданием, ибо Ты благословен во веки веков. Аминь.

Таже, Трисвятое. И по Отче наш:^*

Затем: Трисвятое. Слава, и ныне: Пресвятая Троица: Господи, помилуй. (3) Слава, и ныне: Отче наш:

Тропари, глас 8

О́ком благоутро́бным, Го́споди, ви́ждь мое́ смире́ние, я́ко пома́ле жи́знь моя́ иждива́ется, и от де́л не́сть мне́ спасе́ния. Сего́ ра́ди молю́ся: о́ком благоутро́бным, Го́споди, ви́ждь мое́ смире́ние и спаси́ мя́.

Оком милосердным, Господи, / воззри на моё смирение: / ибо понемногу жизнь моя сокращается, / и от дел нет мне спасения. / Потому молюсь: / «Оком милосердным, Господи, / воззри на моё смирение / и спаси меня!»

Слава: Век мой скончава́ется, / и стра́шный Твой престо́л гото́вится, / житие́ мое́ мимохо́дит, / суд мене́ ждет, претя́ мне о́гненною му́кою, / и пла́менем негаси́мым. / Слез ту́чу пода́ждь ми и угаси́ его́ си́лу, / хотя́й спасти́ся всем челове́ком.

Слава: Век мой кончается, / и страшный Твой престол готовится, / жизнь моя проходит, / суд меня ждет, грозя мне огненною мукою / и пламенем неугасимым. / Слез потоки подай мне и угаси его силу, / желающий спасения всех людей.

И ныне: И́же нас ра́ди рожде́йся от Де́вы / и распя́тие претерпе́в, Благи́й, / испрове́ргий сме́ртию смерть, / и воскресе́ние явле́й, я́ко Бог, / не пре́зри, я́же созда́л еси́ руко́ю Твое́ю; / яви́ человеколю́бие Твое́, Ми́лостиве, / приими́ ро́ждшую Тя Богоро́дицу, моля́щуюся за ны, / и спаси́, Спа́се наш, лю́ди отча́янныя.

И ныне: Ради нас рожденный от Девы / и распятие претерпевший, / ниспровергший смертию смерть / и явивший воскресение как Бог, / не презри, Благой, созданных рукою Твоею; / яви человеколюбие Твое, Милостивый, / прими родившую Тебя Богородицу, ходатайствующую за нас, / и спаси, Спаситель наш, людей отчаявшихся.

Таже, Господи, помилуй, 30. И отпуст.

Затем: Господи, помилуй, (30). И отпуст.